پوٹھواری مدد تے حمایت : Trosolwg

مردم شماری کے وے ؟

مردم شماری اک سروے اے جیڑا ہر 10 سالاں وچ ہونا اے اور اساں کی انگلینڈ اور ویلز وچ تمام لوکاں اور کرانیاں نی اک تصویر فراہم کرنا آ ں. اغلی مردم شماری اتوار 21 مارچ 2021 کی ہوسی۔

مردم شماری توں جمع کیتی جانے الی معلومات مقامی علاقیاں، وچ عوامی خدمتاں نی منصوبہ بندی اوراس کی فنڈ کرنے وچ مدد کرنی اے، بشمول زبان نیاں خدمتاں۔ مثال نے طور اپر، این ایچ ایس کی مخصوص علاقیاں وچ ترجمہ اور ترجمانی نی خدمتاں فراہم کرنے نی ضرورت پیئ سکنی اے۔

The Office for National Statistics (قومی اعداد و شمار نا دفتر) (ONS) انگلینڈ اور ویلز وچ مردم شماری چلاڑاں اور اسنی منصوبہ بندی کرنا اے.

مردم شماری کس کی مکمل کرنی ہوسی

مردم شماری تساں اور تساں نے کرانے نے بارے وچ سوالات پچھنی اے، اوراے ضروری ہے کہ انگلینڈ اور ویلز وچ ہر اک حصہ کنے.

غلط معلومات دیڑاں یا مردم شماری مکمل نہ کرنا اک جرم اے اور تساں کی 1,000 £ توڑی جرمانہ کیتا جائی سکنا. کج سوالات رضاکارانہ طور ا پر صاف لیبل کیتے گئے ہن. اگر تساں انہاں نا جواب نو دیڑین تے اے جرم نہیں اے.

برطانیہ وچ تن مہینیاں توں کم رہناں

اگر تساں برطانیہ وچ تن مہینیاں توں کٹ واسطے رہنے ہو تے تساں مردم شماری کی پُر کرنے نے ذمہ دارنہیں او تساں نی رہائش نے مالک تساں کولوں کجھ سوالات پچھی سکنے ہن تاکہ اوہ کرے وچ رہنےالے لوکاں نے بارے وچ مردم شماری پر کری سکن.

اپنڑی مردم شماری مکمل کرنے واسطے

تمام کرانیاں کی اتوار 21 مارچ 2021 یا جتنی جلدی ممکن ہوے اس مردم شماری کی مکمل کرنا چاہی نا ۔.

تساں نے ہوئی سکنا حالات کورونا وائرس نی عالمگیر وبا نے دوران تبدیل ہوئی گئے ہون ۔ سارے سوالاں نے جواب اپنی صورت حال نے مطابق دیو .